SWRM Sub-Project Veng 21-ah Dustbin semchhuah a ni.

Solid Waste Resource Management (SWRM)Sub-Project hnuaiah Aizawl khawpui chungtin tan Dustbin (Bawlhhlawh bawm) chi hnih Tawihthei (Wet Waste Bin) leh Tawihtheilo (Dry Waste Bin) te sem chhuah hna tan a ni . Bawlhhlawh bawm hi SIPMIU Pilot Project neih tawh na veng, Aizawl Municipal Council in Veng fai lawmman a pek veng te leh SIPMIU in hna a thawh mekna veng ah ten sem chhuah hna hi tan hmasak a ni.

Solid Waste Resource Management (SWRM) hnuaiah hian Aizawl khawpui Bawlhhlawh (Municipal Waste) te mumal zawk a paihfai a sawngbawlna tur hna (project) buatsaih a ni a. Bawlhhlawh te hi Tawihtheih leh Tawihtheilo ah te thendarh tur a ni a, heihi chhungtin ten mahni in theuh ah thliarhran hna (Source Segregation) an lo nei tur  a ni a, chu mi a tan chuan Bawlhhlawh bawl chi hnih a Pawl (Blue) leh a Hring (Green) te sem chhuah a ni. Chhungtin ten kan Bawlhhawlh te hi a paihna tur bik Motor ah paih leh tur a ni a, Bawlhhlawh te chu Resource Center ah dahkhawm a ni ang a, a tawihtheih zawng hi Lei tha siamnan (Vermi culture) atan hman leh tur a ni a, a tawihtheih lo zawng hi hman zui leh theih (recycle) leh hralh theih te thliar hran a ni leh dawn a ni.

1

Bawlhhlawh bawm te supply tu contractor hi M/s Nilkamal Pvt. Ltd, Kolkatta, India an ni a, contract amount hi Rs 2,47,02,892/- a ni. Aizawl khawpui chhungtin hnenah semchhuah turin hian Bawlhhlawh bawm 1,32,200 nos. lei a ni. Bawlhhlawh bawm hi Ministry of Urban Development lam hotu te phalna ang in 10 litres capacity lei a ni. Bawlhhlawh bawm pakhat hi Rs 186.86/- (incl. tax) man ang zel a ni.

2015 December chhung in Veng 21 ah Bawlhhlawh bawm hi sem chhuah hman a ni tawh a, 2016 January ah sem chhunzawm tur a ni a. mipui te hnenah Bawlhlhawh paihdan turin inzirtirna (Awareness) leh Leaflet te semchhuah nghal zel a ni.

2

Veng hrang hrang sem chhuah tawh dan chu :

Sl No Veng Hming Household Dustbin
1 Armed Veng                              893                    1,786
2 Armed Veng ‘S’                          1,028                    2,056
3 Bethlehem                              988                    1,976
4 Bethlehem Vengthlang                              952                    1,904
5 Chawnpui                          1,067                    2,134
6 Chite Veng                              119                        238
7 College Veng                              664                    1,328
8 Dinthar                          1,506                    3,012
9 Govt. Complex                              527                    1,054
10 Kanan                              852                    1,704
11 Laipuitlang                              431                        862
12 Luangmual                              714                    1,428
13 Mission Vengthlang                              836                    1,672
14 Nursery Veng                              601                    1,202
15 Ramhlun North                          1,517                    3,034
16 Republic Vengthlang                              605                    1,210
17 Tuikual ‘N’                          1,271                    2,542
18 Tuikual ‘S’                          1,106                    2,212
19 Zemabawk                          2,154                    4,308
20 Zemabawk ‘N’                              686                    1,372
21 Zonuam                              606                    1,212
Total                          19,123                  38,246