SIPMIU, UD&PAD leh AMC ten Aizawl khawpui bawlhhlawh sawngbawl dan tur chungchang a inhmuhkhawmna an rel chu bawhzui a ni.

Tuna Tuirial Dumping Ground hmun remchang laia bawlhhlawh tawihtheilo leh kang thei tur thliar hranna hmun tur leh a tawihthei zawng dahkhawm lailawkna tur hmun te en fel a ni a, SIPMIU in an sak mek, Solid Waste Resource Center peihfel a nih hma a hman tur anga ruahman a ni a, SIPMIU leh AMC Engineers ten a hmunah an en a ni.
Tuirial Dumping Ground a bawlhhlawh kang reng leh in mut reng, mihring tana hrisel lo em em chu tih reh vat a tul zia hriat a ni a. Veng thenawm mai piah lamah, a hmun a thawktute tan pawh hriselna atan a tha lo em em a, chuvang a bawlhhlawh kang leh mai tur thliar hran vat hi a tul tak zet zet a ni. He hmalakna hi Aizawl khawpui in bawlhhlawh felfai zawk a sawngbawl theih nan leh bawlhhlawh thliar hran a nih thuai theih nan a rang taka bawhzui a ni a, chhungtin ten mahni bawlhhlawh thliar hrang zel turin kan in chah nawn a ni e