SIPMIU PROJECT KAL MEK A SOLID WASTE RESOURCE MANAGEMENT HMANRUA AIZAWL A LO THLENG TA E

Dated, Aizawl 1st February, 2019_: Aizawl khawpui tan bawlhhlawh paihna hmun thar chu rang taka thawh chhunzawm zel a ni a. Tunah hian Aizawl veng sawm (10) laiin an hmang țangkai tawh a ni. Heng vengte hian mimal in tinah bawlhhlawh țawihthei leh țawihtheilo thliar hrangin SIPMIU sak mek Solid Waste Resource Management Centre ah paih mek zel a ni.

Tunah hian 50 Tonnes per day Mechanical Compost plant Aizawl khawpui bawlhhlawh tawihthei sawngbawlna tur khawl chuan SWRM centre hi a rawn thleng ta a. He khawl hi bawlhhlawh tawih thei nitin ton 50 leitha siamna tur ani a. Mihring hnathawk mamawh lovin khawl hmang veka siamna tur a ni.

He khawl thar hi ALFA Therm Ltd New Delhi te siam niin siam zawh anih veleh Delhi atanga rawn phurh thlen ani.