Feeder Mains- Tuikhuahtlang tuizem lian atanga 7th Day Reservoir leh Luangmual Reservoir chawmtu PHED hnenah hlan a ni.

 Pu Zodintluanga, Hon’ble Minister, Urban Development & Poverty Alleviation Department chuan North East Region Capital Cities Development Implementation Program (NERCCDIP) hnuaia Feeder Mains – Tuikhuahtlang tuizem lian atanga 7th Day Reservoir leh Luangmual Reservoir chawmtu tur chu PHE Department hnenah a hlan a ni.
He hlanna hun hi vawiin chawhma dar 11:00 khan Tuikhuahtlang Main Reservoir Complex-ah hman a ni a, Dr. C. Vanlalramsanga, Secretary UD&PAD in a kaihruai a ni. Er. Valbuanga, Program Director, SIPMIU UD&PAD chuan he hmalakna a SIPMIU hnathawh dan hrang hrang chungchang a sawi a, Aizawl khawpui tlak lam vengte tan tui harsatna a chhawk zangkai ngei tur a nih thu a sawi a ni.
Feeder Mains hlan chhawn tak hi Tuikhuahtlang tuizem lian atang hian Khatla ah chhukin, New Secretariat Complex a kal tlang a, Tuikual lui a kanna tur bridge te siam niin 7th Day Tlang a thleng a, 7th Day Tlang atang hian Luangmual a pan tlang leh a ni. SIPMIU in NERCCDIP hnuaia a siam chin hi New Secretariat peng, Khatla atangin a in tan a, 6406 Rm (running meter) lai a ni a, PHE pipe phumsa nen chuan 7,648 Rm bawr vel a ni.  He hnathawh hi NERCCDIP hnuaia Water Supply project chung a thawh a ni a, a hna hi enchhinna tiamin 14th December, 2017 khan zawh fel a ni. he hna kengkawhtu SIPMIU UD&PAD chuan tluang takin a thawk a, PHED nen in rawn chung zelin he hmalakna hi peih fel leh hlawhtlin pui a ni ta a ni.
SIPMIU vek hian NERCCDIP hna kalpui zelin Tuikhuahtlang Main Reservoir atanga TV Center leh Sihphir chawmtu tur pawh an peih fel hnai tawh a, ruahmanna a kaltluang a nih chuan nakum chawhma lamah PHED hnena hlan chhawn tum a ni bawk.