F.A.Q’S on SIPMIU Works:

1. SEWERAGE & SANITATION :

1) SEWER PIPE HI A TE SI A, A HMANGTU HI KAN TAM DAWN HMEL SI A, KAN ZUN, EK LEH THLI ZAWNG ZAWNG HI SEWER PIPE-AH HIAN A LENG DAWN EM NI ?
Sewerage project ah hian In engzat vel nge connect theih tur a tin, heng in atang hian zun, ek leh thlite hi engzat a tam nge awm thei tih survey hmasak vek a ni a. Chumi mila Sewer pipe size te hi fix vek an ni. Mi tam takin Sewer pipe te a kan hriatna pawh a vengchhung in/chhungkaw awmzat nena kan han khaikhin hian te deuh in kan hre thin a, amaherawhchu vengkhatah pawh pipe pakhat atanga lakkhawm vek theih a ni lo a, veng mawng lam panin pipe hrang hranga luantir an ni a, a veng mual leh kawng a zirin luikawrah te, motor kawngah te a sawngbawlna hmunpana luantir an ni a, a luanglut a pun khan pipe size pawh tihlen zel a ni.

2) IN SEWER PIPE PHUMNA KAWNGPUI IN LAIH CHHIAT HI IN VA SIAM THA HAR THIN EM EM VE? A CHHAN ENG NGE? IN LAIH CHHIAT ATANGA IN SIAM THAT LEH INKAR HUN HI ENGTIA REI NGE NI THIN LE?
Mipui Vantlang kawng chungchang hi thil pawimawhtak a ni a, a enkawltu PWD lam tenen pawh ruahmanna siam a ni thin a.Kan lei vur a tlak muk theih dan turte leh hunte ngaihtuahin kawngtha tak neileh tur chuan fur khat tal hi tuar se tih hi kawng enkawltute duh dan a ni a.
Amaherawhchu, hetianga kan han kalpui hian, mipui vantlang tawrhna a nasa in, vuivaina leh sawiselna a tam em em mai a, mipui tawrhna a nep theih nan tiin tunah hian pipe kan phum hnulawkah kawngsiam that hna hi kan han kalpui nghal ta zel a.
Chutih mek lai chuan, pipe phum zo vek tawh si anga lang kawng la siam tha si lo tihte a awm ve bawk thin a, pipe phumna tur kan laih hian, tui connection pipe leh Telephone line te nasa taka tihchhiat a ni thin a, Aizawl veng tam takah hna kalpui kan nih avang hian a siamtha leh tute lam indaihloh rap rap chang pawh a awm fo a ni. Hei vang hian a chang chuan Kawng siamthat nghal mai theihloh chang pawh a awm ve bawk.

3) SEWER PIPE-TE HI ENG CHENA REI NGE HMAN THEIH A NIH DAWN? EXPIRED CHIN EMAW DAM CHIN EMAWA NEI VE EM?
Ductile Iron = 30 years
Double Wall Corrugated Pipe = 50 years

4) SEWER PIPE HI LEI MIN/ LEI TAWLH EMAW AVANGIN LO KEH/BUNG TA SE, ENGTI ANGA BUAIPUI TUR NGE NI ANG?
Sewer line bikah hi chuan alternative/standby line siam vek hi thil theih a nihloh avangin hetiang thil a lo thleng palh a nih chuan a chhiatna thlen hma Manhole hnai beratanga a chhiatna pelh a manhole hnai ber a thli lo luangte pump hmanga lo suanchhuah char char a chumi chhunga pipe line a rang thei angber a siamthat leh a tul dawn a ni.

5) SEWERAGE TREATMENT PLANT(STP) HI SEWER LO LUT AZIRA A KHAWL HI KAL TIRA, A TLEM EMAW A TAWP EMAW CHUAN TIH TAWP MAI CHI TUR NGE ? TIN, ROKHAWLHNA ENGNGEMAW POWER SUPPLY KHAIHLAK EMAW A CHHUNGA KHAWL ENGEMAW CHHIAT AVANGA HNATHAWH THEIH LOH HUN ATANA INVENNA TUR RUAHMANTE NEIH A NI EM ?
Sewerage Treatment Plant (STP) a Sewage lo lutte hi a tam dan lo hrethei tur sensor vuah vektur a ni a, chutiang bawkin a khawl hrang hrangah pawh hian a sensor tenen a tang kawp a automatic a hnathawk thei tura ruahman an ni dawn a ni.
Power khaihlak thut awm thei reng a Thlite hi chhum lo chat lova luanglut reng tur an nih dawn avangin power khaihlak thuta hmantur Diesel Generator(DG) set dah tel tur a ruahman a ni.

6) MIMAL IN ATANGA SEWER PIPE ZAWMNA ATAN HIAN A NEITU CHHUNGKUATEN MANHOLE-A ZAWM LUH HI AN THAWH VE A NGAI DAWN EM NI? SIPMIU HIAN AN ZAWM NGHAL DAWN A NIH CHUAN A MAN CHAWI A NGAI DAWN EM?
Connection la tur chhungkua ten an thawhve tul emaw pawisa chawitur emaw a awm lova, SIPMIU project kalchhung hi chuan SIPMIU lamin a tul ang ang a thawk mai ang.Amaherawhchu, He project a zawh tawh hnuah erawh chuan connection pek emaw pawisa sen chungchangah hian a enkawltu Department-in tul leh tha a tih ang in a kalpui tawh ang.

7) MAN-HOLE-A THLI LUT TUR CHUAN CHHUNGKAW THENKHAT TAN CHUAN MI RAM KAL TLANG A NGAI NGEI DAWN A, HETIANG ANG HI ENGTIA KALPUI TUR NGE ?
Hetiang hi Kan ram dinhmunah hi chuan a awm zauh zauh dawn a, hetiang ah hi chuan mimal ram a nih tawh avangin innawr luih a rem lo a, khawtlang hruaitute hriatpuina in a ram paltlang turneitu te remtihna emaw consensus neih te pawh a tul dawn a ni.

8) MAN-HOLE AWMNA HI A UALAU THIN HLE MAI SI A,A CHHUNGA THLI ATANGA NATNA HRIK INKAIHHNAWIH THEIH A NI ANG EM ?
Manhole te hi kawnghnuaiah/chhungah phumbo vek an ni a, tin a chung pawh tha taka chhin phui thlap an ni a.Tin,kan thlite in bul vela luang darh mai mai thin kha pipe hmanga lakkhawm vek an nih dawn tak avang hian him zawk leh natna hrikdarh tur venna kawngah pawh pui hle tura ngaih zawk a ni.

9) SEWERAGE MANAGEMENT SYSTEM HI A HMANGTUTEN HUNBI NEIA HMAN MAN CHAWI NGAI A NI DAWN EM? NGE MAN LOVA HMAN TUR?
HE PROJECT HNA HI ENGTIKA ZAWH TUR NGE?
Hei hi chu a enkawltu department kaltlangin sorkarin policy a la siam tura ngaih a ni. Kum 2017 chhunga thawkzo tura tih a ni.

10) SEWERAGE PIPE PHUMAH HIAN A BUL ATANGA ROAD RESTORE CHHUNG HI TIMELINE NEIIN RUAHMAN A NI EM? RUAHMAN HUNA THAWHZAWH HMANLOH A AWMIN TU THIAMLOH NGE? HNATHAWH TLAI CHHAN TLANGPUI ENG TE NGE?
Sewerage Pipe phum hna hi work schedule mumal tak siam a thawh thin an ni. He work schedule mil a hnathawk tur hian theihtawp chhuah thin a ni a, ruahman ang thawh a nihlohna chhan hi thil tam tak a awm thei a, Department lam emaw, Contractor lam emaw, a khawtlang leh sik leh sa thleng pawhin a tih theih awm e.
Khawpui(Urban) a hnathawh hi a hautak hle mai a, a bik takin Aizawl ang kawngte leh traffic divertna tur awm leh chuang lo angah hi chuan, thawh hmasak turpawh hi bengsik a ngaihtuah a ngai thin a, tin a rual a veng tam taka thawh dawn chuan traffic kan ti buai vek dawn bawk nen, ruahman hun han pelh sawlh hlek hlek hi a awm duh hle a ni. Tin kawng thenkhat phei chu chhun lama thawhtheih miah loh zan lamah pawh darkar 5 emaw awrh thawh phalsak kan nihna hmunte a awm nual bawk a. Chhiatni thatniah kawng a lo khar theihloh bawk nen tin tun kum 2-3 chhung fur rei lutukte khan hnathawh a tithuanawp nasa em em bawk a ni.

11) SEWAGE TREATMENT PLANT (STP) ATANGA BAWLHLAWH THLI THLITFÎM TAWHTE, A HIM TAWH TIH FINFIAH HNUA CHITE LUIA PAIH TUR NGE? PAIH MAI LO HIAN A KHÂWLNA EMAW SIAMA, THLÂI TUI LEH THIL DANG ATÂNA TANGKÂI ZÂWKA HMAN THEIH A NI ÂWM SIA, HMALÂKNA A AWM EM?
STP atanga thli sawngbawl tawhte hi Chite luia paih tura ruahman a ni. Ram changkang thenkhatah chuan heng thli te hi in tlak khawpin an sawngbawl leh thin reng a. Amaherawh chu, tuna kan project kallaiah hi chuan sawngbawl hnua Chite luia chhuah leh mai tura ruahman a ni a, hun lo la awm leh turah te chuan sawngbawl leh deuh a, hman tangkai dan te pawh kan la zawng duh in a rinawm.

12) MANHOLE TE HI LO CHHIA EMAW HNAWHTU LO AWM TÂ SE, RANG TAKA HRIAT LEH ENDIK/SIAMTHAT A NIH THEIH NAN MONITOR DÂN TUR FELFAI TAK SIAM A NI EM? TUNLAI THIAMNA HMANGA SENSOR VUAH EMAW A CHINFEL DAN TUR HI RUAHMANNA THA TAK A AWM EM?
Tun dinhmunah chuan sensor emaw khawl hmanga monitor na tur hi ruahmannaah telh a ni lo. Amaherawh chu, pipelineah te block awm lo tura venna, connection kan lakkhawmna Inspection Pit (IP) ah hian thil lian tham deuh lo thlifim tur screen dah tum a hmalak a ni.

2. WATER SUPPLY-I & II :

1) 24/7 IN TIH HI ENGNGE A AWMZIA? THIL AWMZE NEI TAK TAK THEI A NI ANG EM?
24/7 Water Supply awmzia chu kar khatah nitin darkar 24 chhung mipui hnena tuisem a ni a. Tui sem tur zat tur bithliah zat hi Indian standard ang chuan nitin mi pakhat tan 135 litre ang a chhut a ni. A hrilhfiahna dang leh ah chuan continuous supply kan tih mai, englaipawh a pipe line a tui awm tir reng (pressurized condition) tur a supply tih belh a ni a, chu chuan kan pipeline kha natna hrik lut thei loin a siam thei a ni. 24/7 water supply hi supply level tlem zawk pawh in a kal pui theih a ni. Tui sem te dawh khawl teuh teuh loin nitin kan hmankhawp chauh hman a, renchem tak a tui hman hi a ni.
Tuna kan dinhmun nen a chhut chuan SIPMIU project zawng zawng hi zawh a nih chuan pipeline te a lo thar tawh a nga, tuizem te a lo thar tawh a nga, chu chuan tui leak leh bo thlau a ti tlem sawt a nga, a Tui pump chhuah ang ang te mipuiah a thleng a nga, awm zia a nei hle tur a chhut a ni.

2) TUNA WATER DISTRIBUTION SYSTEM HMANLAI LEH TUNA SIPMIU BUATSAIH MEK HI A IN ANG NGE? A DANGLAM HAN SAWI FIAH TEH U?
Distribution hmanlai leh SIPMIU buatsaih mek hi thil hrang lutuk a ni lo. A danglamna chhe te te han tar lang ila:
i) Design years: Tuna Distribution hmanlai hi kum 1986 a mi 80000 vel chawm tur a duan a ni a, Tunah hian Aizawl ah hian mi nuai 3 vel kan awm tawh a, pipe te a te deuh tawh a, tin pipe te a upa deuh tawh in a design population te a pelh nasat tawh avangin kan duhkhawp tawh lo a ni. SIPMIU Pipeline te hi 2045 thleng a Aizawl mipui nuai 6 vel chawm tur a Design a ni a, a pipe size pawh a lian tawh a ni.

ii) Design Concept: Tun system hi chu a ruahman hun te a rei tawh bakah, a population lo tam ang zel a zawm belh leh thin a ni a. Sytem thar Design ah chuan Zone khat chhunga level/Pressure in thlau lutuk hrut rual nan zone hrang hrang a then darh a ni. Hetia pressure sang control hian fittings leh valves te a tlo bik dawn a ni.

iii) Pipe Materials: Pipe a tan hian tuna hman hi GI-Medium class a ni a. SIPMIU ah hian GI-Heavy vek hman a ni a. Hei hi a chhah deuh zawk avangin a daih rei zawk tur a ngaih a ni. Ductile Iron pipe K-7 & K-9 te hman a ni a, heng a chhung hi tuiek mai loh nan cement mortar a lining vek ani. Tin, pipe hi a population mil in a lian zawk tawh bawk ang.

3) PIPE PHUM NANA KAWNG IN LAIHCHHIAT HI, ENGATINGE IN SIAM THAT ZUI LEH NGHAL MAI THIN LOH? ENGTIKA SIAM THAT LEH THIN TUR NGE?
Engineer-te duh dan chuan pipe phumna kawngpui te hi furkhat hnuah siam nise, hei hian siam hnu a kawng tlahniam leh te hi a awm lo bik a ni . Chubakah pipe phum laia laihchhiat tel Department dang PHED, Telephone etc ten road repair tih hma a an in siam that ve a ngai thin a, hriat theuh angin department te hi an indaih lo bawk nen Road repair hi a tih zung zung theih bik lo a ni.
Hetiang hi Engineer te duhdan a nih rualin mipui harsatna thlen tam lo tur ang berin kawng siam hna hi chhunzawm zel a ni

4) TUI PIPE KALKAWNGA IN PHUM HIAN A PHUMNA TUR LAI TUR THLAN FEL A AWM EM?
Tui pipeline bik hi kawngpui thlang lam emaw in tam na lam lam hnaih thei ang ber a dah tum thin a ni a.

5) TUI PIPE IN PHUM HIAN TELEPHONE CABLE LEH TUI PIPE TIH CHHIAT CHANG A AWM THININ A LANG A, HENGTE HI TUTEN NGE SIAMTHA LEH THIN?
A concern Department in a siam tha mai thin. A siam man hi a concern Department in tul a tih zat SIPMIU hian a pe thin a ni.

6) TUI SEMNA PIPE PHUM HNA HI ENGTIKA ZAWH TUR NGE? HUN BITHLIAH ANGIN IN ZO HMAN ANG EM?
Pipe phum hna hi hlawm hnih (tranche II & III) ah then a ni a, Tranche I hi 29.08.2013 a thawh tan a ni a, Dt 28.02.2017 ah zawh tur a beisei a ni a, khawpui chhunga hnathawh hi a harsa in a hun takah an zo theih dawn lo a, December 2017 thleng pawhsei sak an ni.
Tranche III bik hi May, 2016 khan hna tan a ni a, May, 2020 hian zo theih tum a ni.

7) TUNA TUI SUPPLIES SYSTEM HMAN LAI TIH CHANGTLUNNA TURIN HMALAKNA A AWM EM? A AWM CHUAN ENG TE NGE?
Tui supply tih changtlun nana hma lak na hrang hrangte chu:

Tranche-I ah:
i) 7-Nos Zonal tank, Quarters offices (Completed)
ii) Tui tihthianghlimna 2-Nos Chlorinator @ Tuikhuahtlang and Chanmari Booster (Completed)
iii) Water Meter-15000 (Completed)

Tranche-II ah :
i) 2-Nos Booster pump (Completed)
ii) 3-Nos Zonal Tank (Completed)
iii) Distribution Network-107 Kms (programme)
iv) 132Kv Dedicated power supply to PHED pumping schems (programme)
v) 20000Nos Water Meter & 85Nos Bulk Flow mwter(Completed)
Tranche-III ah :
i) Distribution Network & feeder main -256 Kms (programme)
ii) 9-Nos Zonal tanks (programme)
iii) 37-MLD Augmentation schemes (programme)

8) TUNA TUI SUPPLY HMAN LAI BELHCHHAHNA TURA HMALAKNA A AWM EM? A AWM CHUAN ENG TE NGE? CHUNG HMALAKNA CHU ENGTIKA THAWH TAN TUR NGE?
Tuna PHED system a tui supply kan neih zat Phase I & II belhkhawm hi 35 MLD a ni a. hemi belhchhah nan hian 37 MLD Augmentation Scheme SIPMIU chuan a siam dawn a ni. Tunah hian Contractor a tan M/s Eco-Protection thlan fel tawh a ni a, Agreement hi Dt.30.03.2017 ah ziah fel a ni a, tunah hian Design leh field Investigation te thawh tan tawh a ni. Hna hi thla 42 chhunga zawh tur a ni.

9) HE WATER SUPPLY TIH CHANGTLUNNA HI ENGTIKA HMAN TAN THEIH TUR NGE? CHUTIANGA KAN ZAWH FEL HUNAH TUI KAN SEM/DAWN TUR HI A MLD-IN EMAW LPCD-IN EMAW ENGZAT VEL NGE NI THEI ANG ?
SIPMIU hnuaia Water System pumpui hi Kum 2019 ah chuan zawh fel vek tur a ruahman a ni. Hetianga kan zawhfel chuan mi pakhat in nitin Tui Litre 135 vel dawng thei tur a ngaih a ni.

3. SOLID WASTE RESOURCE MANAGEMENT :

1) MOTOR THLEN PHAK LOHVA CHENGTE HIAN ENGTINNGE AN BAWLHHLAWH GARBAGE VEHICLE-AH HIAN AN RAWN CHHUN VE ANG? COMMUNITY BIN SIAM A NI DAWN ANG EM?
SIPMIU hian DPR ah chuan veng tinah Community worker/Waste collector Mi 4 theuh bawlhhlawh khawnkhawmtu leh lakhawmtu tur a ruahman a. Hengte hian kawngpui atanga bawlhhlawh paih phak ve lo te an lakhawm anga Bawlhhlawh paih motor ah an paih thin ang. Amaherawhchu Bawlhhlawh lakkhawm leh phurh te hi AMC hmalakna anih angin, AMC in ruahmanna a siam ang. Community bin siam hian kawng leh vengchhung a tih trawp avangin siam loh tura tih a ni.

2) GARBAGE VEHICLE DINNA ATANGA IN HLATE TAN BAWLHHLAWH LAA VEHICLE-A CHHUNGTU MI CHHAWR AN AWM THEI DAWN EM?
SIPMIU ruahmanna ang chuan Garbage vehicle tinah bawlhhlawh lo chhungtu tur mi pakhat zel dah tura tih a ni a. Amaherawhchu Bawlhhlawh lakkhawm leh phurh te hi AMC hmalakna anih angin, AMC in ruahmanna a siam ang.

3) SIPMIU-IN DUSTBIN A SEM HI A TE SI A, A BIN-A LENGLO KAN BAWLHHLAWH HI ENGTIA KHAWL TURIN NGE SIPMIU HIAN MIN BEISEI?
Dustbin te hi bawlhhlawh thliarhran ka inzirna atan leh kan phur (motivation) theihna tur atana mipui hnena sem ani a. Dustbina lenglo bawlhhlawh te hi chu kan remchan ang ang leh kan neihsa bawlhhlawh bawm hman mai tur a ni. Bawlhhlawh tawihthei leh tawihtheilo thliarhran kan thiam kha a pawimawh ber chu a ni.

4) TUNAH HIAN AMC HIAN GARBAGE VEHICLE ANGA HMAN LAI CHU 100 CHUANG DAIH A NI A, SIPMIU HIAN GARBAGE VEHICLE THAR 54 CHAUH IN NEI DAWN SI A, BAWLHHLAWH TAWIHTHEI LEH TAWIHTHEILO A HRANGA COLLECT LEH SAWNGBAWL A NI DAWN BAWK SI A, ENGTIA KALPUI NGE SIPMIU HIAN A TUM LE?
Ruahman dan chuan Garbage vehicle te hi an kalkawng theuh siam a ni a, veng bik awm lovin kawng tluanin a kawtthler azirin an kaltlang zel tura duan anih avangin Garbage vehicle pawh hian a daih tura chhut a ni. Tin Garbage vehicle te hi nitin chawlhni tiam lohin nitin vawihnih theuh bawlhhlawh an khawn thei tura ruahman a ni a, Tuirial bawlhhlawh sawngbawlna hmun hnaih lam te phei chu nikhatah vawihnih aia tam pawh bawlhhlawh khawn theih tura ngaih a ni.

5) GARBAGE VEHICLE THAR HIAN ENG KAR DANAH NGE BAWLHHLAWH CHI HNIH HI KHAWN A NIH DAWN?
Garbage vehicle te hian a ni karthlak zelin bawlhhlawh tawihthei leh tawihtheilo te an khawn tura ruahman a ni. Bawlhhlawh a ruala khawn hian a tawihthei leh tawihtheilo te paihfin palh a awm theih avangin.

6) GARBAGE VEHICLE LEI THAR HI ENGTINNGE O & M KALPUI A NIH DAWN?
Garbage vehicle Operation & Maintenance te hi AMC lamin mipui tana tha ber ang zelin an kalpui ang.

7) GARBAGE VEHICLE-A BAWLHHLAWH CHHUNG VE THEI LO A AWM THEI EM?
Awm lo, Aizawl khawpui neitute hi mipuite kan nih angin, Aizawl ti thianghlim turin mitin ten kan mawhphurhna theuh kan hriat a pawimawh hle. Bawlhhlawh te hi kan in bul kawr leh khamah te paih mai lovin Garbage vehicle ah ngei bawlhhlawh tawihthei leh tawihtheilo te thliarhransa ngei kan paih theuh tur a ni.

8) GARBAGE VEHICLE-A BAWLHHLAWH CHHUNG VE NGAI LO CHHUNGKUA AWM TA SE ENGTIA TIH TUR NGE?
AMC emaw AMC kaltlangin Local Council ten tul leh tha an tih angin ruahmanna an siam thin ang

9) TUNA TASK–FORCE-TE HMALAKNA ATANG HIAN AIZAWL KHAW PUM (LOCAL COUNCIL ZAWNG ZAWNG)A BAWLHHLAWH NITINA KAN SIAM CHHUAH HI ENG ZAT VEL NGE ? STATE DANGA BAWLHHLAWH NEIH DAN KHAIKHININ ENG ANG NGE KAN DINHMUN? BAWLHHLAWH NEI TLEM TURA IN ZIRTIR A TUL KAN TI EM?
Task Force te hmalakna hi July thla tawpah a report te an rawn submit theuh anga, chumi atang chuan kan bawlhhlawh neihdan te a khaikhin theih ang. Aizawl khawpui ti thianghlim tur hian Bawlhhlawh neih tlem leh nei tlem tura inzirtir hi chu engtiklai pawha kan tih theuh a ngai a ni.

10) BAWLHHLAWH HI THLIARHRANA SÂWNGBÂWL A NIH DÂWN CHUAN, HMAN LEH (RECYCLE) THEIH VIZ- PLASTIC, BOTTLE, STEEL, ETC TE HI ENGTIA TIH TUR NGE? A HRALH CHHUAHNA LAM HI NGAIHTUAH A NI EM?
Bawlhhlawh thawihtheilo te hi thliarhran theuh ani anga, thliarhran hnu ah packed leh balled tur a ni a, chumi zawh hnu ah chuan hralh chhuah tura ruahman a ni.

11) WEIGHING BRIDGE HI A AWM DÂWN EM?
Bawlhhlawh phur Garbage vehicle zawng zawng te hi bawlhhlawh sawngbawlna hmun Tuiriala an lut leh chhuak apiang bukna tur Weighbridge pahnih 20 Tonnes capacity ve ve dah a ni ang.

4. SEPTAGE MANAGEMENT :

1) VENG HRANG HRANGA BIO-DIGESTER SIAM LAI LEH SIAM TUR HMUNTE HI ENG ANGIN NGE THLAN A NIH?
Bio-digester sakna hmun tur hi Local Council kaltlanga thlan a ni. Veng thenkhat Local Council-te bia in, anni’n tul an tih angin an veng chanchinbu leh tlangau atang ten veng mipui an hriattir a, bio-digester sakna tur ram pe phal ten hming leh document tulte an rawn thehlut a, huntiam chhunga rawn thehlut hmanzawngte kha thlan an ni.

2) BIO-DIGESTER HI SEPTIC TANK ANGA KUM ¾ DANA A KHAT PAIH RUAH FO NGAI VE LO TUR NIIN KAN LO HRIA A, A DIK EM? PAIH A NGAIH HUN A AWM THEI DAWN EM?
Paih ngai lo tura ruahman a ni.

3) BIO-DIGESTER HI MIMAL IN ATANGA ZAWMLUHNA CHUNGCHANGAH, MIMALIN ZAWM HNA LO THAWH TUR NGE? A SENSO TUM TUR NGE? SIPMIU-IN A THLAWNIN A TIH SAK DAWN?
Bio-digester tank leh pipe laying & fittings hi SIPMIU tih vek tur a ni.

4) BIO-DIGESTER HI A HMANGTUTEN HUNBI NEIA HMAN MAN CHAWI NGAI A NI DAWN EM?
Operation and Maintenance (O&M) hi a hmangtute tihtur a nih avangin hman man chawi a ngai loving.

5. GENDER POLICIES :

1) ADB PROJECT HNAAH HIAN HMEICHHIATE TAN HAMTHATNA EMAW DUHSAKNA EMAW A AWM EM?
ADB in Gender Policy a neih ah hian, mipa leh hmeichhiate tana hamthatna tluk tlang tak neih hi a tum ber a ni. Amaherawhchu, Indian context enin hmeichhiate focus a ni fo a, a chhan chu Hmeichhia te hian hnathawhna tur opportunity an neih tlem vang a ni. Mizoram ah erawh hemi dinhmun hi a danglam awm e.

2) CONTRACTOR-TEN HMEICHHIA AN CHHAWRNAAH, AN HNA A CHAKLO/MUANG DEUHVIN, AN SUM HLAWH TURAH HEK PHAH SELA, CHUNG AN HEKNA CHU A RUAITU LAM ATANGA COMPENSATE THEIH DAN A AWM EM?
Civil Works chhungah hian hmeichhe hnathawktute thawh that dan leh thawh thatloh dan hi chu Contractor te mawh a ni a, a hranpa taka Contractor te compensate na kawng a awm lem lo e.

3) SIPMIU HMALAKNAAH HMEICHHIATE CHHAWR AN NI VE THIN EM ? ENG ANG NGE AN LAN VE DAN?
SIPMIU hna, a bikin Tranche 2 ah hian female workers kan nei tha viau mai a. QPR report hnuhnung berah pawh hetiang hian record a ni:-
1. Sewerage 55%
2. Water Supply 46%
Heng record hi permanent labors/employee an ni vek lem loa, veng thawh dan a zira mahni veng bika thawk te an awm nawk.Tranche 3 ah erawh hi chuan female workers kan la nei lo a, kan țan hle a ngai.

4) SIPMIU PROJECT HNAA HMEICHHE THAWK VETEN MIPA HLAWH ANG AN HLAWH VE THIN EM?
Gender Policy in a tum ber chu “Equal pay for equal work” a ni a, hlawh chungchangah hi chuan buaina a awm lem lo e. Amaherawhchu, project hrang hrang ah tender chhandan leh thildang vangin labor hlawh nawlpui hi chu a danglam maithei e.

5) SIPMIU PROJECT HNAAH HMEICHHE THAWK VE DUH HNAWL AN AWM THIN EM?
Hmeichhe hnathawk ve duh hnawl hi hriat phakah chuan ala awm loa, duhkhawp kan hmu lo zawk a ni e.

6. ENVIRONMENTAL POLICIES :

1) CONTRACTOR LEH AN HNATHAWKTUTE HIAN AN WORK SITE-AH CHUAN SAFETY GEAR KIMCHANG HMANGA HNA THAWK TURA BEISEI AN NI A, HENG HI AN LAKAH TIH NGEI KAN PHUT LOH VANG NGE CONTRACTOR-TEN AN ZAWM DUH LO ?
Contractor te ti tura ngen leh hriattir an ni.Site visit neih lai in endik a ni bawk.

2) WORKMAN COMPENSATION INSURANCE POLICY,ETC. NEI NGEI TURA BEISEI AN NI A,SIPMIU HIAN A ENDIK NGAI EM ?
Aw, Contractor ten Workman Compensation Insurance Policy an hnathawkte an tihsak.

3) SIPMIU PROJECT HNUAIA CONTRACTOR-TEN AN THAWHNA HMUN APIANGA HMUN 4 ZELAH AIR QUALITY, NOISE LEVEL LEH WATER QUALITY CHUNGCHANGAH MONITORING TI TURIN LEH REPORT PE THIN TURA BEISEI AN NIH ANGIN AN REPORT THIN EM?
Report thin e. Hei hi an Construction a zira tih ngai leh ngai lo/hunbik nei a tihtheih a ni.

4) MIPUI LEH VENG NEITUTEN AN HARSATNA LEH VUIVAINA AN NEIHA AN THLEN THEIHNAN CONTRACTOR-TE HIAN AN THAWHNA HMAN APIANGAH GRIEVANCE REDRESSAL REGISTER AN VAWNG THIN TUR A NI A. HETIANG HI AN VAWN LEH VAWN LOH FINFIAH THIN A NI EM?
Hmalak tawh a ni.Contractorte pawh, an hnathawhna hmuna Display Board-ah emergency Contact No.dahtur a hriattir an ni

5) SUB-PROJECT TE A SAK HNA ZAWH A NIH HNUA HNA THAWH TAN HMAIN CONSENT TO OPERATE (CTO) DIL LEH TUR A NI A. HNA TAN (FUNCTION) TAWHTE HI CTO LAK A NI EM?
CTE hi Pollution Control Board atanga lak a ni e,CTO pawh a sakhna zawh hnua lak leh mai tur/theih a ni.

6) SUB PROJECT KALPUI MEKA HNA THAWKTU TEN HNA AN THAWH LAI LEH TLAIA HNA KALSANIN MIPUITE CHETSUAL PALHNA VENGTU TUR CAUTION TAPE, WARNING/DISPLAY BOARD AN DAH THIN EM?
Dah thin. Site Visit laiin endik thin a ni.

7) NITIN HNA TAN HMAIN CONTRACTOR HNUAIA AN ENVIRONMENTAL OFFICER THEUH TEN HNATHAWHTU (LABOUR) TE HNENAH SAFETY TRAINING/TOOLBOX MEETING AN NEI THIN TUR A NI.HENG HI AN TI EM?
Safety Training hi neih thin a ni.Regular taka submit tura Contractor te ngen an ni.

8) HNA THAWHNA RENG RENGAH FIRST AID BOX A AWM ZEL TUR A NI. CONTRACTOR TEN AN ZAWM THA EM?
Awm. Contractor ten an hnathawhna hmunah hman maitheih in First Aid Box an nei.

9) CONTRACTOR TEN ENVIRONMENTAL MANAGEMENT PLAN ANGIN DAILLY/WEEKLY/MONTHLY ENVIRONMENTAL MONITORING FORMAT AN THEHLUT THIN TUR A NI A, HEI HI AN TI EM?
Submit thin a ni.

10) SITE INSPECTION NEIH HUNA RECORD ZIAH TE ENVIRONMENT &SAFETY OFFICER (CONTRACTOR ATANGIN) LEH MONITORING PERSON (DSMC) EMAW ENVIRONMENTAL OFFICER (SIPMIU) TEN AN ENDIK HNUAH AN A NEMNGHEHNA SIGNATURE A PE ZEL TUR A NI? HEI HI CONTRACTOR TEN AN ZAWM EM?
Tih a ni e.